تكاسي دبش واعمال التدبيش
يعني ايه تكاسي دبش ؟
طيب خلينا نبسطها شوية تكاسي الدبش : الموضوع مقسوم كلمتين الكلمة الاولى تكاسي ودى متاخدة من كلمة تكسيه او كسوة يعني اللى معناها تغطية الشئ ودى هيا التكاسي. والكلمة التانية دبش وساعات تتسمى تدبيش وهيا جاية من حجر الدبش برده معناها استخدام الدبش ، طيب وايه هو اصلا الدبش ده .
ما هو حجر الدبش ؟
الدبش هو نوع من أنواع الحجر الطبيعي ، ويكون عبارة عن قطع حجر او طوب كبير الحجم نسبيا وشكله غير منتظم وغير متساوي الاطراف و مش متليس سطحه الخارجي بتاعه وبيتسمي غشيم يعني مش متوضب وخلينا نقول انك هتسمع الكلام ده بأكثر من طريقة زي حجر تكاسى دبش ، دبش تكاسى ، ميول دبش ،وهنحاول نشرحهم برضه بطريقة بسيطه .
لكن برضه أحب اقولك ان حجر الدبش ليه اسم تانى احيانا بيستخدمه البعض وهوا ( الدقشوم ) ، فلو سمعت او قريت اسم حجر الدقشوم يبقى خليك عارف ان ده اسم من أسماء حجر الدبش.
كيف يتم تجهيز تكاسي الدبش؟
خلينا الأول نتفق انه معظم اعمال تكاسي الدبش تتم فى نفس مكان الانشاء او التكسية زى ماسمناها فى الموقع ، وهنشوف بيتم تجهيز الدبش ازاى عشان يبتدي يستخدم فى التدبيش .
أولا يتم تقطيع الاحجار لقطع صغيرة او بمعني ادق فإن الاحجار الكبيره الحجم جدا اللى بتستخرج من المحاجر فى الجبال . زى أى حجر طبيعي من اللى انتشر استخدامها فى مقاولات الواجهات الايام الاخيره ، ثم يتم تقطيعها الى احجام اصغر ينفع نقلها والتعامل معاها بسهولة للموقع المطلوب التدبيش أو التكاسي دبش له . وغالبا المكان بيبقى اما سور لحمايه منطقة او سور لحمايه الناس من حاجة زى التدبيش اللى بنشوفه حوالين قضبان السكك الحديد و المترو او بجانب أطراف المجاري المائية و غيره .
خطوات تجهيز تكاسي الدبش
بعد تقطيع الحجر او الدبش ونقله للمكان بيتم تجهيزه بالطريقة دي :
- يتساوي و يستعدل جوانب الحجر الاربعة : وخلينا نقول ان الجزء اللى بيتلحم منه الحجر فى الحجر اللى جنبه ( وطبعا من الناحيتين بيتلحم فى اللى جنبه ) أسمه اللحام ، وبالتالى بنسمي الجنبين دول اللحامان.
- أما الجانبين اللى بنحط الحجر عليهم من تحت على الارض او قاعدة تكاسي الدبش ومن فوقه الحجر اللى فى الصف اللى بعده اسمهم المرقدان .
- تجهيز وش وظهر الحجر او الدبش : كدا فاضل وش الحجر او واجهة الحجر اللى احنا بنشوفها وظهر الحجر اللى بيتلزق فى المكان المحفور نفسه او فى جانب الطريق او المجرى المائي .
- بيتم تسوية وتنعيم الواجه على أد مانقدر وحسب الغرض المطلوب فيه التكاسي ، خاصة لو المكان ده هيكون قريب للناس ويتعاملوا معاه مباشره فالأحسن يتم تنعيمه بقدر المستطاع . أما ظهر الحجر بقى او الدبش فمش من الضروري تهذيبه او تنعيمه الجانب ده من الحجر بيبقى إسمه غشيم ، خد بالك من المسميات دي عشان هتقابلها كتير وبيستخدمها الفنيين والصنايعية .
- أخر حاجة بقى فى التجهيز هي انك تجهز موقع التدبيش نفسه او مكان التكاسي بحيث تبقى متأكد من ان المرقد ين بتوع الحجر متوازيين مع المرقد بتاع الموقع الطبيعي ( يعني مكان رقود الحجر او الدبشة ، قاعدة تركيبه ).
وكدا بقى يبقى الموقع والدبش جاهز للتكاسي او التركيب ، وبنختار المونة المناسبة للمكان وللشكل المطلوب تدبيشه ونستعملها . ومعظم الوقت تكاسي دبش بتتميز برخص السعر وبتستخدم ميزانية صغيرة او محددة و أشهر المون اللى بتستخدم للتثبيت الاسمنت و الجير و الجبس .
أنواع مباني الدبش
أعمال الدبش مش بتختلف كتير عن بعض وأنواعها بس بتختلف فى حاجات بسيطة زى طريقة التهذيب فى مباني الدبش . وهنشرح كل نوع منهم :
- مباني الدبش البلدي مقلب : ده نوع من المباني بالدبش او يعني التكاسي بيكون مبنعملش فيه اى استعدال او تهذيب للحجر ولا نحته و بنبني الدبش على وضعه ولا بنحاول حتى توحيد مقاساته الا فقط تسويه الوجه بتاع الحجرة بس ويترص وتتملي الفراغات بالمونة يعنى ملهوش مدماك محدد .
- مباني دبش بلدى مخصص : ويعتبر النوع ده هو مش مختلف عن النوع اللى فات لكن في النوع ده بنحدد مدماك يعنى بالعربي كدا تقدر تمسك صف وتمشي معاه هتلاقيه محدد ومش معنى انه محدد بمدماك ان كل الاحجار اللى في المدماك نفس الحجم او الارتفاع لكن اللى بيحدد ارتفاع المدماك او الصف هو ارتفاع اكبر طوبه فيه والباقي بيترص على اساسها من غير نحت برده لكن بشكل متكامل لحد مانكمل الصف ونبتدي بأكبر حجره تانى وهكذا.
- مباني دبش مروم : في النوع ده بقى بنبتدي نستعدل الحجر ونحاول نظبط زواياه على زاوية 90ه تقريبا . و نسوي وجهة الحجر و نرص الحجر في مداميك برده لكن مش لازم تبقى نفس الارتفاع يعنى ممكن نجمع كل مجموعة أحجار متساوية تقريبا في ارتفاعها في مدماك واحد مع بعض وكل مدماك يبقى بارتفاع مختلف عن اللى قبله واللى بعده .
- مبانى الدبش المنحوتة: ودي من اسمها باين اهوه انه لازم بننحت الحجر قبل الاستخدام والنوع ده نفسه فى منه نوعين:
أولهم دبش الدستور ، دبش الدستور ده عبارة عن انك تنحت الاحجار وتنعم وشها وتشكل كل قطعه على هيئة زوايا قائمة كل قطعه حسب مقاسها مبتساويش مقاسات الحجر .
أما بقى النوع التاني فهو مبانى الاحجار المضلعة أو مباني الثلاثات وده نوع من أسمه برده بيتنحت ويتهذب وبكون مقاس زواياه على حسب عدد الزوايا .
كيفية اختيار أفضل مقاول متخصص في أعمال التدبيش
الأمور التي يجب البحث عنها في المقاول
تأكد من خبرة المقاول ومهاراته في أعمال التدبيش.
الأسئلة التي يجب طرحها على المقاول
استفسر عن المشاريع السابقة والتكاليف ومدة التنفيذ.
التأكد من سجل المقاول ومشاريعه السابقة
يجب الاطلاع على مشاريع سابقة لضمان جودة العمل.
الخطوات الواجب اتباعها قبل بدء مشروع التدبيش
إعداد الميزانية
قم بتحديد الميزانية المتاحة قبل البدء.
اختيار المواد والأدوات
اختيار المواد الصحيحة هو خطوة أساسية في نجاح المشروع.
التخطيط لجدول زمني
ضع جدولًا زمنيًا لتحديد مدة التنفيذ.
نحن فى شركة المصرية للواجهات والديكور نقدم أفضل خدمة لمقاولات التدبيش وجميع أعمال الدبش .
تواصل معنا اليوم للإستفسار عن الأسعار او الإتفاق على مقاولات التدبيش :
فنحن فى فريق شركة المصرية للديكور والواجهات لدينا امهر الفنيين والمتخصصين يردون على استفساراتكم.
تليفون : 01067937800 🏰
أو شاهد جزء من أعمالنا فى مجال التدبيش من هنا
كيف تحافظ على حجر الدبش بعد التركيب؟
كيفية تنظيفه وصيانته
استخدم الماء والصابون لإزالة الأتربة والشوائب.
نصائح لإطالة عمر حجر الدبش
قم بإجراء فحوصات دورية للتأكد من عدم وجود تشققات أو تلف.
احتياطات ومفاهيم أساسية فى تركيب تكاسي دبش وميول الدبش
- قوة تحمل بناء الدبش او ميول الدبش متوقف على صلابة و متانة البناء وعشان كدا لازم نتأكد من ان الحجر مترابط ببعضه بشكل قوي عشان يتحمل الضغوط والتحميل عليه .
- لصلابة ومتانة البناء وقوة تحمله حالتين :
- الاولى ان الحجر يكون غشيم ومستخدم على وضعه باحجام مختلفة واشكال غير محددة ساعتها لازم الاعتماد يكون على المونة نوعها وصلابتها هو اللى بيساعد على متانه البناء.
- الثانية بقى اذا الحجر متهذب منحوت ومتساوى ومتقارب فى مقاسه واشكاله بيكون اعتماد الصلابه ومتانة البناء على نوع وجودة الحجر اكتر منه على المونة.
أخطاء شائعة في تركيب حجر الدبش وكيفية تجنبها
الأخطاء التي تحدث أثناء التثبيت
عدم تثبيت الحجر بشكل صحيح قد يؤدي إلى انهيار الجدار.
كيفية التأكد من التثبيت الصحيح
استخدام الأدوات المناسبة والتأكد من الاستواء يساعد في تجنب الأخطاء.
إحتياطات التدبيش والبناء بحجر الدبش
يستخدم حجر الدبش في البناء مع مراعاة بعض الاحتياطات، فمثلاً:
- يجب رش الأحجار جميعا بالماء قبل القيام بعملية البناء.
- يربط الحجر المستخدم في الواجهة داخل حائطها لزيادة تماسكهما معا.
- تربط الحجارة الخلفية مع بعض بالمونة وتترك المسافات الكافية في ذلك, تربط الخلفية عن طريق الحجارة الصغيرة في الواجهة.
- يجب أن لا يزيد ارتفاع الحجر عن أدنى ارتفاع افقي, ويجب تركيب الحجارة من أكبر ناحية لها,.
- يجب استبعاد الحجر ذو السمك الرقيق لضعفه وقلة تحمله.
- عند تركيب الدبش البلدي يجب أن لا يزيد ارتفاع الدبش عن ارتفاع المدماك.
الخلاصة
حجر الدبش هو خيار رائع لمشاريع البناء بفضل متانته وجماله الطبيعي. لكن من المهم اختيار النوع الصحيح والمقاول
بكدا نكون حاولنا نوضح قدر المستطاع يعنى ايه تدبيش؟ ومعنى تكاسي الدبش، وكيف تتم عملية التدبيش؟ ولأي استفسار تواصل مع شركة المصرية للديكورات والواجهات :
موبايل : 01067937800
واتس آب : 01113720800
أو تقدر تتواصل معانا على الفيس بوك من خلال الرابط ده : https://www.facebook.com/Stone.Facades.Egypt